Newyddion a Digwyddiadau
Newyddion
15 Chwefror 2010
Estyn yn cyhoeddi enw’r Prif Arolygydd
O ddydd Llun 15 Chwefror, bydd Cyfarwyddwr Strategol Estyn, Ann Keane, yn ymgymryd â swydd Prif Arolygydd Ei Mawrhydi dros Addysg a Hyfforddiant yng Nghymru nes y gwneir penodiad tymor hwy yn yr hydref.
6 Tachwedd 2009
Gwybodaeth am frandio a chysylltu â budd-ddeiliaid
Mae Estyn, sef yr arolygiaeth dros addysg a hyfforddiant yng Nghymru, yn adolygu ei gyfathrebu allanol a’i frand er mwyn deall yr hyn y mae ein rhanddeiliaid yn ei feddwl am Estyn a’u dealltwriaeth o’r gwasanaethau a ddarperir gennym.
Fel rhan o’r adolygiad hwn, mae Estyn wedi penodi ymgynghoriaeth frandio, sef Brand 68, i siarad gyda rhai o’n rhanddeiliaid proffesiynol er mwyn cael eu barn am Estyn a’r gwaith y mae’n ei gyflawni.
Yn ystod yr wythnos neu ddwy nesaf, bydd aelod o dîm Brand 68 yn cysylltu â’n rhanddeiliaid i drefnu amser cyfleus i drafod yr archwiliad ac i ofyn ychydig gwestiynau. Ni ddylai’r cyfweliad bara mwy na 10 munud.
Dim ond gyda mewnbwn gwerthfawr ein rhanddeiliaid allweddol y gall Estyn ddatblygu a mireinio’r modd y mae’n cyfathrebu’n allanol â’i randdeiliaid.
Hoffai Estyn ddiolch i’n holl randdeiliaid
2 Tachwedd 2009
Arweiniad ar Arolygiadau Estyn yn ystod Pandemig Ffliw
Cyflwyniad
Mae’r llywodraeth yn ein cynghori ni y dylai busnes, lle bynnag y bo modd, fynd ymlaen fel arfer yn ystod pandemig ffliw. Bydd Estyn yn parhau i weithio yn ystod pandemig ffliw oni bai bod prinder staff neu ffactorau lleol eraill, fel methiant yn y rhwydweithiau cludiant neu seilwaith hanfodol, yn gwneud parhau i weithio yn amhosibl. Mae gan Estyn gynlluniau parhad busnes yn eu lle a fyddai’n cael eu rhoi ar waith pan fydd difrifoldeb pandemig yn cynyddu.
Digwyddiadau
Dim digwyddiadau cyfredol.