Estyn yw swyddfa Prif Arolygydd Ei Mawrhydi dros Addysg a Hyfforddiant yng Nghymru. Mae’n gorff y Goron a sefydlwyd o dan Ddeddf Addysg 1992. Mae Estyn yn annibynnol ar Gynulliad Cenedlaethol Cymru ond mae’n derbyn ei gyllid gan Lywodraeth Cymru o dan Adran 104 Deddf Llywodraeth Cymru 1998.
Mae Estyn yn arolygu ansawdd a safonau mewn darparwyr addysg a hyfforddiant yng Nghymru.
Pwy rydym ni’n eu harolygu:
- ysgolion a lleoliadau meithrin a gynhelir gan, neu sy’n cael arian gan awdurdodau lleol;
- ysgolion cynradd;
- ysgolion uwchradd;
- ysgolion arbennig;
- unedau cyfeirio disgyblion;
- ysgolion annibynnol;
- addysg bellach;
- colegau arbenigol annibynnol;
- dysgu oedolion yn y gymuned;
- gwasanaethau addysg awdurdodau lleol ar gyfer plant a phobl ifanc;
- addysg a hyfforddiant athrawon;
- Cymraeg i oedolion;
- dysgu yn y gwaith; a
- dysgu yn y sector cyfiawnder.
Cyngor ac Arweiniad
Rydym hefyd yn rhoi cyngor ac arweiniad i Lywodraeth Cymru ar ansawdd a safonau mewn addysg a hyfforddiant yng Nghymru. Rydym yn cyhoeddi’r cyngor hwn yn ein hadroddiadau thematig, sy’n cael eu comisiynu gan y Gweinidog Addysg a Sgiliau.
I ddarllen ymateb Llywodraeth Cymru i bob adroddiad, ewch i www.wales.gov.uk
Arfer orau
Yn olaf, rydym yn hyrwyddo lledaenu arfer orau mewn addysg a hyfforddiant.
Rydym yn cael ein hariannu gan Gynulliad Cenedlaethol Cymru o dan Adran 104 Llywodraeth Cymru 1998.
