Crynodeb
Mae’r dewis o gyrsiau sydd ar gael i ddysgwyr yn cynyddu. Yr enghraifft orau yw ble mae ysgolion a cholegau wedi cynllunio darpariaeth gyda’i gilydd. Fodd bynnag, nid oes gan y rhan fwyaf o ddysgwyr yr hyblygrwydd i ddewis o’r ystod lawn a’r math o gyrsiau sydd ar gael yn eu hardal. Mae eu cyfleoedd yn dibynnu’n ormodol ar y cyrsiau a gynigir gan y darparwyr y maent yn eu mynychu.
Mae’r ddarpariaeth yn y sector ôl-16 yn fwy amrywiol. Gall bron pob dysgwr ddewis cyrsiau sy’n eu galluogi i ddilyn y llwybr dysgu o’u dewis.
Argymhellion
Dylai darparwyr:
- sicrhau bod eu hamserlenni yn cyd-fynd â rhai darparwyr eraill ac ystyried y bylchau mewn dewislenni opsiynau lleol wrth gynllunio eu darpariaeth;
- rhoi gwybodaeth glir, gywir a diduedd i ddysgwyr am y dewisiadau sydd ar gael iddynt; a
- chynyddu’r ystod o gyrsiau galwedigaethol sydd ar gael i bob dysgwr.
Dylai rhwydweithiau:
- sicrhau bod gan bob darparwr, staff, dysgwr a rhiant ddealltwriaeth glir o Lwybrau Dysgu 14-19 ac o’r dewisiadau sydd ar gael i ddysgwyr; ac
- archwilio ffyrdd o gael ymglymiad llawn darparwyr dysgu yn y gwaith.
Dylai Llywodraeth Cymru:
- ddatblygu strategaeth gyfathrebu er mwyn sicrhau bod darparwyr, dysgwyr a rhieni yn cael eu hysbysu’n well am ddiben Llwybrau Dysgu 14-19 a dewislenni opsiynau.
I gael rhestr lawn o argymhellion, lawrlwythwch yr adroddiad.
Arfer orau
Mae astudiaethau achos yn yr adroddiad yn cynnwys arfer orau o ysgolion a darparwyr amrywiol.
